बुलढाणा (MLA Sanjay Gaikwad) : चिखली विधानसभा मतदारसंघातील धाड येथे छत्रपती शिवाजी महाराजांच्या सन्मानाच्या मुद्द्यावरून सुरू असलेल्या राज्यव्यापी वातावरणाच्या पार्श्वभूमीवर शिवप्रेमी व हिंदुत्ववादी नागरिकांच्या वतीने आमदार धर्मवीर संजुभाऊ गायकवाड (MLA Sanjay Gaikwad) यांच्या समर्थनार्थ भव्य दुग्धाभिषेक कार्यक्रम उत्साहात पार पडला.
यावेळी आमदार संजुभाऊ गायकवाड (MLA Sanjay Gaikwad) यांच्या प्रतिमेस विधिवत दुग्धाभिषेक करून त्यांच्या ठाम भूमिकेला जोरदार पाठिंबा दर्शविण्यात आला. “जय भवानी, जय शिवराय” तसेच “धर्मवीर संजुभाऊ गायकवाडांचा विजय असो” अशा घोषणांनी संपूर्ण परिसर दुमदुमून गेला. भगव्या पताकांनी सजलेले वातावरण आणि शिवभक्तांचा उत्साह यामुळे धाड गावात शिवमय वातावरण निर्माण झाले होते.
कॉम्रेड गोविंद पानसरे लिखित “शिवाजी कोण होता” या पुस्तकाच्या संदर्भात राज्यभरात निर्माण झालेल्या वादाच्या पार्श्वभूमीवर उपस्थितांनी तीव्र नाराजी व्यक्त केली. सदर पुस्तकाचे प्रकाशक प्रशांत आंबी यांच्या भूमिकेविरोधात निषेध नोंदविला आहे.
