हिंगोली (Hingoli Health Camp) : येथील शासकीय वैद्यकीय रुग्णालयात मंगळवारी असंसर्गजन्य रोगांबाबत विशेष आरोग्य तपासणी व जनजागृती शिबिराचे आयोजन करण्यात आले. अधिष्ठाता डॉ. श्रीचक्रधर मुंगल आणि जिल्हा शल्य चिकित्सक डॉ. नितीन तडस यांच्या मार्गदर्शनाखाली हे शिबिर पार पडले. दंत रोग तज्ञ व नोडल वैद्यकीय अधिकारी डॉ. फैसल खान यांनी या शिबिराचे समन्वयन केले. शिबिरात मधुमेह, उच्च रक्तदाब, कर्करोग व मौखिक तपासणी करण्यात आली. यासोबतच रक्तदान शिबिर व इतर आरोग्य विषयक जनजागृतीपर कार्यक्रमही घेण्यात आले.
या (Hingoli Health Camp) शिबिरात एकूण 92 रुग्णांची तपासणी करण्यात आली. त्यापैकी 1 रुग्णाची बायोप्सी घेण्यात आली तर 2 रुग्णांवर आवश्यकतेनुसार मुख-शस्त्रक्रिया करण्यात आल्या. या शस्त्रक्रिया डॉ. फैसल खान यांनी यशस्वीपणे पार पाडल्या.
या प्रसंगी अधिष्ठाता डॉ. श्रीचक्रधर मुंगल, जिल्हा शल्य चिकित्सक डॉ. नितीन तडस, जिल्हा आरोग्य अधिकारी डॉ. कैलास शेळके यांच्यासह डॉ. गीते, डॉ. दीपक मोरे, डॉ. गोल कदम, डॉ. नितीन पुरोहित, डॉ. मनीष बगडिया, डॉ. शैलजा कुप्पास्वामी, डॉ. सतीश रूणवाल, डॉ. जायभये, डॉ. कंठे, डॉ. परदेशी, डॉ. स्नेहल नगरे, तालुका आरोग्य अधिकारी जोगदंड तसेच शंकर तावडे, श्रीपाद गारुडी, अशा क्षीरसागर, ज्ञानेश्वर चौधरी, भारतभुषण रणवीर, आनंद साळवे, गंगाधर बोंगाने, अरबाज खान, एकलास खान पठाण, संदीप सोळंखे, शोएब शेख आदी उपस्थित होते. शिबिराला नागरिकांचा चांगला प्रतिसाद मिळाला असून असंसर्गजन्य रोगांबाबत वेळीच निदान व उपचार महत्त्वाचे असल्याचे मत यावेळी तज्ञांनी व्यक्त केले.
