जिल्हा हिवताप कार्यालयात राज्यस्तरीय अधिकाऱ्यांची भेट; हिवताप, डेंग्यू व हत्तीरोग नियंत्रणा बाबत मार्गदर्शन
हिंगोली (District Hivtap Office) : 18 ऑगस्ट रोजी जिल्हा हिवताप कार्यालय हिंगोली येथे डॉ. प्रणिल कांबळे, Regional Director, ROHFW, पुणे, श्री. निलेश गोंधळी, Research Assistant तसेच श्री. सुरज मोर्या, Lab Assistant Grade-II, पुणे यांनी भेट देऊन राष्ट्रीय किटकजन्य रोग नियंत्रण कार्यक्रमा अंतर्गत सुरू असलेल्या विविध कामकाजाचा आढावा घेतला.
यावेळी विशेषतः हिवताप, डेंग्यू या डासापासून होणाऱ्या आजारांच्या प्रतिबंध, नियंत्रण, सर्वेक्षण, निदान व प्रभावी उपाययोजनांबाबत उपस्थित अधिकारी व कर्मचाऱ्यांना मार्गदर्शन करण्यात आले. तसेच कार्यक्रमाची प्रभावी अंमलबजावणीसाठी करण्यासाठी आवश्यक त्या सूचना देण्यात आल्या.जिल्हा हिवताप कार्यालय हिंगोली अंतर्गत करण्यात येत असलेल्या संपूर्ण कामकाजाची पाहणी केली व राज्यस्तरीय अधिकारी व टीम यांनी कार्यालयीन कामकाजाचे उत्कृष्ट नियोजन असल्यामुळे कामाबाबत समाधान व्यक्त केले.
यावेळी जिल्हा हिवताप अधिकारी डॉ. गजानन चव्हाण, सहाय्यक जिल्हा हिवताप अधिकारी संजय पवार, तसेच जिल्हा हिवताप कार्यालयातील सर्व अधिकारी व कर्मचारी उपस्थित होते.या भेटीदरम्यान राष्ट्रीय किटकजन्य रोग नियंत्रण कार्यक्रमाची प्रभावी अंमलबजावणी, रोग नियंत्रणाच्या उपाययोजना आणि आगामी काळातील कार्यवाही बाबत सकारात्मक चर्चा करण्यात आली.
