रूपा गांगुली यांची उपमुख्यमंत्रीपदी नियुक्ती
कोलकाता (West Bengal New CM) : पश्चिम बंगालमध्ये भाजप सरकार स्थापन होण्याबाबतचे चित्र आता स्पष्ट झाले आहे. सुवेंदू अधिकारी (Suvendu Adhikari) यांची राज्याचे नवे मुख्यमंत्री (West Bengal CM) म्हणून निवड झाली आहे. भाजप विधिमंडळ पक्षाच्या बैठकीत सुवेंदू यांची विधिमंडळ पक्षाचे नेते म्हणून निवड झाली. सरकारमध्ये दोन उपमुख्यमंत्र्यांची नियुक्ती केली जाईल. रूपा गांगुली (Roopa Ganguly) यांच्या नावाला उपमुख्यमंत्रीपदी मान्यता मिळाली आहे, तर दुसरे उपमुख्यमंत्री दार्जिलिंग भागातील पुरुष आमदार असू शकतात. सुवेंदू अधिकारी 9 मे रोजी सकाळी 10 ते 11 च्या दरम्यान मुख्यमंत्री म्हणून शपथ घेतील.
#WATCH | Kolkata | Suvendu Adhikari elected as the Leader of West Bengal BJP Legislative Party, set to be the new CM of the state. pic.twitter.com/DCm6zezL4U
— ANI (@ANI) May 8, 2026
माहितीनुसार, सुवेंदू अधिकारी (Suvendu Adhikari) यांच्याकडे गृहखातेदेखील असेल. कोलकाता येथील कन्व्हेन्शन सेंटरमध्ये झालेल्या एका महत्त्वपूर्ण बैठकीत त्यांची भाजप विधिमंडळ पक्षाचे नेते म्हणून एकमताने निवड झाली. या बैठकीनंतर केंद्रीय गृहमंत्री अमित शाह यांनी अधिकारी यांच्या नावाची अधिकृत घोषणा केली.
भव्य शपथविधी सोहळ्याची तयारी
कोलकाताच्या ऐतिहासिक ब्रिगेड परेड मैदानावर उद्या सकाळी 10 वाजता एक भव्य शपथविधी सोहळा पार पडणार आहे. सुवेंदू अधिकारी (Suvendu Adhikari) पश्चिम बंगालचे मुख्यमंत्री म्हणून शपथ घेतील. या विशेष प्रसंगी पंतप्रधान नरेंद्र मोदी आणि गृहमंत्री अमित शाह यांच्यासह एनडीएचे अनेक ज्येष्ठ नेते उपस्थित राहणार आहेत.
बंगालमधील या नेत्यांचा मंत्रिमंडळात समावेश:
- सुवेंदू अधिकारी (Suvendu Adhikari)
- रूपा गांगुली (Roopa Ganguly)
- अग्निमित्र पॉल
- निसिथ प्रमाणिक
- अर्जुन सिंग
- गौरी शंकर घोष
- कौस्तव बागची
- दीपक बर्मन
- सजल घोष
- इंद्रनील खान
- जोएल मुर्मू
