इराणची 18 कंपन्यांची 'हिट लिस्ट' जाहीर
वॉशिंग्टन (Iran vs US) : पश्चिम आशियातील सध्याचा तणाव आता एका अत्यंत धोकादायक वळणावर पोहोचला आहे. पहिल्यांदाच इराणने गूगल, मायक्रोसॉफ्ट आणि ॲमेझॉनसारख्या प्रमुख अमेरिकन टेक कंपन्यांना लक्ष्य करण्याची थेट धमकी दिली आहे. इराणचा आरोप आहे की, या कंपन्यांच्या क्लाउड सेवा आणि AI तंत्रज्ञानाचा वापर लष्करी कारवाया आणि गुप्त माहिती गोळा करण्यासाठी केला जात आहे. तज्ज्ञांच्या मते, जर हा (Iran vs US) संघर्ष वाढला, तर त्याचा परिणाम केवळ रणांगणापुरता मर्यादित राहणार नाही, तर संपूर्ण जगाची डिजिटल आणि आर्थिक व्यवस्था कोलमडून पडू शकते.
या मोठ्या कंपन्यांनाच लक्ष्य का?
इराणच्या तस्निम माहितीनुसार, इराणने गूगल (Google), ॲमेझॉन (Amazon) आणि एनव्हिडियासारख्या कंपन्यांना इशारा दिला आहे. इराणचा विश्वास आहे की, या कंपन्या केवळ व्यवसाय करत नाहीत, तर त्यांच्या तंत्रज्ञानाचा वापर इस्रायल आणि अमेरिकेला युद्धात मदत करण्यासाठी केला जात आहे. इराणने हे स्पष्ट केले आहे की, जर प्रादेशिक युद्ध (Iran vs US) पसरले, तर ते या कंपन्यांच्या डेटा सेंटर्स आणि कार्यालयांना लष्करी तळ मानून त्यांच्यावर हल्ला करू शकतात.
आखाती देश आणि इस्रायलमधील तळांना धोका
इराणने विशेषतः इस्रायल आणि काही आखाती देशांमधील तळांना लक्ष्य केले आहे. या (Iran vs US) देशांमध्ये अमेरिकन कंपन्यांची मोठी डेटा सेंटर्स आणि प्रादेशिक कार्यालये आहेत. इराणचा दावा आहे की या ठिकाणी लष्करी माहितीची देवाणघेवाण होते. या अहवालात पॅलंटिर आणि ओरॅकलसारख्या कंपन्यांचाही समावेश आहे. इराणच्या या धोक्यामुळे या देशांमध्ये काम करणारे हजारो कर्मचारी आणि तेथील अब्जावधी डॉलर्सची पायाभूत सुविधा धोक्यात आली आहे.
बँका आणि वित्तीय संस्थांनाही इशारा
केवळ टेक कंपन्याच नव्हे, तर आता इराणने वित्तीय संस्थांनाही आपल्या रडारवर ठेवले आहे. इराणच्या लष्करी प्रवक्त्याने इशारा दिला आहे की, या (Iran vs US) प्रदेशातील अमेरिकन आणि इस्रायली बँका आणि वित्तीय केंद्रे आता सुरक्षित नाहीत. इराणने याला आपल्या एका बँकेवरील हल्ल्याचा बदला म्हटले आहे. इराणी अधिकाऱ्यांनी नागरिकांना या आर्थिक केंद्रांपासून आणि बँकांपासून किमान एक किलोमीटरचे अंतर राखण्याचे आवाहन केले आहे, कारण त्यांच्यावर कधीही हल्ला होऊ शकतो.
जागतिक अर्थव्यवस्थेवर नकारात्मक परिणाम
जर इराणने या टेक कंपन्यांवर किंवा त्यांच्या पायाभूत सुविधांवर हल्ला केला, तर त्याचे परिणाम संपूर्ण जगासाठी विनाशकारी ठरू शकतात. आजची जागतिक अर्थव्यवस्था क्लाउड कंप्युटिंग आणि डिजिटल डेटावर मोठ्या प्रमाणावर अवलंबून आहे. गूगल (Google) किंवा मायक्रोसॉफ्टच्या (Microsoft) डेटा सेंटरमधील डेटा चोरीमुळे जागतिक शेअर बाजार आणि बँकिंग सेवांमध्ये व्यत्यय येऊ शकतो. तज्ज्ञ याला 'आर्थिक दहशतवाद' आणि 'सायबरयुद्ध' यांचे मिश्रण मानतात, ज्यामुळे (Global Recession) जागतिक मंदी आणि (Digital blackout) डिजिटल ब्लैकआउटचा धोका वाढतो.
