कळमनुरी (Vehicle collision death) : शहरालगत सोमाणी पेट्रोलपंपाजवळ भरधाव व निष्काळजीपणे चालविण्यात आलेल्या दुचाकीच्या धडकेत एका युवकाचा मृत्यू झाला असून अल्पवयीन मुलगा गंभीर जखमी झाला आहे. ही घटना १६ मे रोजी दुपारी २ वाजण्याच्या सुमारास घडली.
याप्रकरणी सम्राट बालाजी पाटील (वय १५, रा. मोरगव्हाण ता. कळमनुरी) यांनी कळमनुरी पोलीस ठाण्यात फिर्याद दिली आहे. फिर्यादीनुसार, एमएच १३ बीयू ७७१७ क्रमांकाच्या दुचाकीच्या अज्ञात चालकाने भरधाव वेगात व निष्काळजीपणे वाहन चालवत फिर्यादीच्या एमएच ३८ एजे ०६२९ क्रमांकाच्या दुचाकीला पाठीमागून जोरदार धडक दिली.
या (Vehicle collision death) अपघातात फिर्यादी सम्राट पाटील यांच्या उजव्या पायाच्या पंज्यास व करंगळी जवळील बोटाला गंभीर दुखापत होऊन बोट तुटले आहे. तसेच त्यांच्यासोबत असलेले तेजस नारायण मस्के (रा. तिरुपती नगर, कळमनुरी) यांचा मृत्यू झाला. अपघातात दोन्ही दुचाकींचेही नुकसान झाले आहे. या प्रकरणी कळमनुरी पोलीस ठाण्यात गुन्हा दाखल करण्यात आला असून पुढील तपास पोलीस निरीक्षक माकोडे यांच्या मार्गदर्शनाखाली सुरू आहे. अद्याप आरोपी चालकास अटक करण्यात आलेली नाही.
