टपाल कार्यालय आरडीएक्स बॉम्बने उडविण्याची धमकी

हिंगोलीत खळबळ: सर्तकतेच्या दृष्टीने बॉम्ब शोधक व नाशक पथकासह श्वान पथकाने केली तपासणी

हिंगोली (RDX bomb threat) : राज्यातील सर्व पासपोर्ट व टपाल कार्यालयात बुधवारी दुपारच्या  सुमारास सायनॉईड विषारी वायुमिश्रीत १६ आररडीएक्स बाँम्बद्वारे उडविण्याच्या धमकीचा ई-मेल आल्याने हिंगोलीतील टपाल  कार्यालयात अलर्ट देऊन बाँम्बशोधक व नाशक पथकाने संपुर्ण परिसराची पाहणी केली.

या बाबत मिळालेली माहिती अशी  की, राज्यातील टपाल कार्यालयाना २५ मार्च बुधवार रोजी एक ई-मेल  प्राप्त झाला. तुमच्या राज्यातील सर्व पासपोर्ट व टपाल कार्यालयात दुपारी १२.१० मिनिटांनी सायनॉईड विषारी  वायुमिश्रीत १६ आरडीएसक्स बाँम्बचा स्पोर्ट (RDX bomb threat)  होणार आहे. त्यामुळे  टपाल  कार्यालयातील सर्वांना तातडीने बाहेर काढा असे ई-मेल नमुद  केले होते. हा ई-मेल आल्याने बर्‍याच टपाल कार्यालयात एकच खळबळ उडाली. या बाबतची माहिती पोलिस  यंत्रणेला देण्यात आली.

त्याच निमित्ताने हिंगोली  शहरातील डाक विभागाच्या मुख्य कार्यालयात  तात्काळ   हिंगोली  शहर  पोलिस ठाण्याचे पोलिस निरीक्षक  संदिप मोदे, जमादार अशोक धामणे, गणेश  लेकुळे, शेख  मुजीब, संतोष  करे, गणेश वाबळे, संजय मार्वेâ, पोलिस  उपनिरीक्षक नागरे, रवि गंगावणे, अभिजीत हलगे, गंगाधर राऊत, माधव मुटकुळे,  रोहित मुदीराज, प्रविण बांगर, दहशतवाद विरोधी  शाखेचे अमित मोडक, फुलाजी सावळे, विशाल घोळवे, दहशतवाद विरोधी पथक नांदेड  विभागाचे रवि धाबे, शेख मुजीब , डिएसबीचे गजानन निर्मले, संजय तोडेवाले आदी कर्मचार्‍यांचे पथक तात्काळ घटनास्थळी धडकले.  या ठिकाणी डाक विभागाच्या इमारतीसह संपुर्ण परिसराची बाँम्बशोधक व नाशक पथक आणि श्वान पथकाद्वारे करण्यात आली. या दरम्यान  कुठेही आक्षेपार्ह बाब आढळून आली नसल्याचे पोलिस  सुत्राने सांगितले. त्यामुळे नागरीकांना कुठेही कोणतीही संशयीत वस्तू अथवा काही  बाब  आढळून आल्यास त्याची माहिती तात्काळ पोलिस  यंत्रणेला  द्यावी तसेच कोणत्याही अफवांवर नागरीकांनी  विश्वास ठेऊ नये असे आवाहन जिल्हा  पोलिस अधिक्षक डॉ. निलाभ  रोहन यांनी केले आहे.

आरडीएक्सने राज्यातील पासपोर्ट व टपाल कार्यालय उडवून देण्याबाबतचा ई मेल आल्यानंतर राज्यभर एकच खळबळ उडाली. हा मेल कोणी पाठविला व कोठून पाठविला. याबाबत उच्चस्तरावर तपास सुरू असल्याचे सुत्रांनी सांगितले. 

टपाल कार्यालय तात्काळ केले रिकामे

राज्यातील पासपोर्ट व टपाल कार्यालय सायनॉईड विषारी वायु मिश्रीत १६ आरडीएक्स बॉम्बव्दारे उडविण्याच्या धमकीचा ई - मेल येताच पोलिस यंत्रणाही तात्काळ अर्लट झाली. हिंगोलीच्या टपाल कार्यालयात हिंगोली शहर पोलिसांसह बॉम्ब शोधक (RDX bomb threat) व नाशक पथक, दहशतवाद विरोधी पथक घटनास्थळी दाखल झाले. पोलिसांचे पथक जाताच त्यांनी तात्काळ टपाल कार्यालयातील अधिकारी व कर्मचार्‍यांना बाहेर येण्याच्या सूचना दिल्या. पोस्ट मास्तर एस. एस. निर्मल यांच्यासह कर्मचार्‍यांनी तात्काळ टपाल कार्यालय खुले केले. त्यानंतर या पथकाने संपूर्ण डाक विभागाची व परिसराची पाहणी केली.