जिद्द, मेहनत आणि चिकाटीच्या जोरावर घडविले यश
घोट (Police Bharti Selection) : नुकत्याच पार पडलेल्या जिल्हा पोलीस भरती प्रक्रियेत घोट (कर्दुळ) येथील संजना विश्वनाथ कावळे व अमित विश्वनाथ कावळे या बहिण-भावांनी पोलीस दलात पात्र होऊन उल्लेखनीय यश संपादन केले आहे.अत्यंत सामान्य कुटुंबातून पुढे आलेल्या या दोघांनी कठोर परिश्रम, जिद्द आणि सातत्याच्या बळावर हे यश मिळविले.त्यांचे वडील विश्वनाथ कावळे हे ट्रॅक्टर चालवून कुटुंबाचा उदरनिर्वाह करतात.आर्थिक परिस्थिती मर्यादित असतानाही मुलांनी शिक्षणासोबत (Police Bharti Selection) पोलीस भरतीची तयारी सुरू ठेवली. अनेक अडचणींवर मात करत त्यांनी अखेर पोलीस दलात स्थान मिळविले.
संजना आणि अमित यांच्या यशामुळे परिसरातून त्यांचे कौतुक होत असून, सामान्य कुटुंबातील युवक-युवतींना त्यांनी प्रेरणा दिली आहे. त्यांच्या या यशामागे कुटुंबाचे पाठबळ,मेहनत आणि आत्मविश्वास महत्त्वाचा ठरल्याची भावना नागरिकांकडून व्यक्त करण्यात येत आहे.
