३६ लाखांचे नुकसान; मुद्दाम आग लावल्याची शहर पोलिसांत तक्रार
वाशिम (Waste Segregation Center Fire) : शहरातील डंम्पिंग ग्राऊंड स्थित घनकचरा विलगीकरण व प्रक्रिया केंद्र परिसरात 7 मे रोजी आग लागली होती. या आगीत वर्गीकृत सुका कचरा जळून खाक झाला. या आगीत अंदाजे ३६ लाख रुपयांचे नुकसानीचा अंदाज वर्तविण्यात आला. तर काही व्यक्तींनी जाणूनबुजून आग लावल्याची तक्रार 8 मे रोजी वाशिम शहर पोलिस ठाण्यात घनकचरा विलगीकरण व प्रक्रिया केंद्राकडून करण्यात आली आहे.
शहर पोलिसांत दिलेल्या तक्रारीनुसार, (Waste Segregation Center Fire) घनकचरा प्रकल्पात शहरातील कचऱ्याचे ओला व सुका असे वर्गीकरण करून प्रक्रिया केली जाते. मागील सहा महिन्यांपासून दररोज सुमारे दोन टन प्रमाणे वर्गीकृत सुका कचरा गोडाऊनबाहेरील सुरक्षित ठिकाणी साठवून ठेवण्यात आला होता. त्याचे एकूण प्रमाण सुमारे ३६० टन इतके होते. ७ मे रोजी डम्पिंग ग्राउंड परिसरातील मिश्रित कचऱ्याला आग लागल्यानंतर मोठ्या प्रमाणात धूर निर्माण झाला. त्यानंतर काही व्यक्तींनी चिथावणी देत वर्गीकृत सुक्या कचऱ्यालाही आग लावल्याचा आरोप करण्यात आला आहे. या (Waste Segregation Center Fire) घटनेमुळे पर्यावरण प्रदूषण, आरोग्याचा धोका आणि घनकचरा व्यवस्थेवर गंभीर परिणाम झाल्याचे नमूद करण्यात आले. त्यामुळे या प्रकरणाची चौकशी करून संबंधितांवर गुन्हा दाखल करण्याची मागणी या तक्रारीद्वारे करण्यात आली.
