हिंगोली : हिंगोली जिल्ह्याचे नूतन पोलीस अधीक्षक श्रेणिक लोढा यांनी नुकताच आपल्या पदाचा कार्यभार स्वीकारला आहे. पदभार स्वीकारल्यानंतर हिंगोली विधानसभा मतदारसंघाचे आमदार तानाजी मुटकुळे यांनी पोलीस अधीक्षक कार्यालयात जाऊन त्यांची सदिच्छा भेट घेतली.
यावेळी आमदार तानाजी मुटकुळे यांनी नूतन पोलीस अधीक्षक श्रेणिक लोढा यांचे पुष्पगुच्छ देऊन स्वागत केले तसेच हिंगोली जिल्ह्यातील त्यांच्या कार्यकाळासाठी शुभेच्छा दिल्या.
या सदिच्छा भेटीदरम्यान आमदार तानाजी मुटकुळे आणि पोलीस अधीक्षक श्रेणिक लोढा यांच्यात हिंगोली जिल्ह्यातील कायदा व सुव्यवस्था अधिक बळकट करण्याबाबत चर्चा झाली. तसेच सर्वसामान्य जनतेच्या अडीअडचणी सोडवण्यासाठी आणि गुन्हेगारीमुक्त हिंगोली घडवण्यासाठी लोकप्रतिनिधी व पोलीस दल यांनी समन्वयाने काम करणे आवश्यक असल्याचे यावेळी नमूद करण्यात आले.
यावेळी ज्येष्ठ नेते के. के. शिंदे, माजी जिल्हाध्यक्ष फुलाजीराव शिंदे, माजी नगराध्यक्ष बाबाराव बांगर, जिल्हा सरचिटणीस उमेश नागरे, जिल्हा प्रवक्ता विलास गोरे, शहराध्यक्ष रजनीश पुरोहित, सभापती माणीक लोडे, सदाशिव सुर्यतळ, संदीप वाकडे, ॲड. पठाडे, नितीन राठोड, कैलाश बुळे आणि गुड्डू देवकते उपस्थित होते.
