रिसोड (Risod dead body) : उभ्या असलेल्या एका पिकपमध्ये मृतदेह आढळल्याने रिसोड शहरात एकच खळबळ उडाली. हि घटना दिनांक 18 ऑगस्ट रोजी सकाळी दहा वाजता रिसोड शहरातील वाणी स्पशानभूमीच्या गेट समोर उघडकीस आली. पिकप क्रमांक एम एच 37 बि 1968 मेधे असलेल्या सदर मृतदेहातून अत्यंत दुर्गंध येत असल्याने सदर प्रकार उघडकीस आल्याचे म्हटले जात आहे. सुरुवातीला सदर मृतदेहाबद्दल वेगवेगळ्या प्रकारचे तर्कवितर्क लावले जात होते.
शहरात ही बाब वाऱ्यासारखी पसरतात घटनास्थळी बघ्यांची मोठी गर्दी झाली.मात्र बघण्यासाठी आलेला प्रत्येक नागरिक तेथून दूर जात होता. घटनेची माहिती मिळताच रिसोड पोलिस स्टेशनचे ठाणेदार रामेश्वर चव्हाण यांच्या आदेशानुसार सहाय्यक पोलीस निरीक्षक संतोष आघाव, पो का रवि इरतकर,पो का ज्ञानेश्वर बेले यांनी घटनास्थळ गाठून मृतदेहाची पाहणी केली व शवविच्छेदनासाठी रिसोड येथील ग्रामीण रुग्णालयात भरती करण्यात आले. सदर मृतदेहाची ओळख पटवण्याचे आव्हान रिसोड पोलीस समोर असताना रिसोड पोलिसांनी काही तासातच सदर मृतदेहाची ओळख पटविली.
रामेश्वर उर्फ रामू विष्णु शिंदे वय 45 वर्ष राहणार मोहजा इंगोले तालुका रिसोड जिल्हा वाशिम असे मतकाचे नाव असून उभ्या असलेल्या पिकप मध्ये त्याचा मृतदेह आलाच कसा याबाबत रिसोड पोलीस तपास करत आहे.मात्र याबाबत एक माहिती मिळाली असता त्यानुसार सदर पिकप हा गेली काही दिवसापासून वाणी स्मशानभूमीच्या गेट समोर उभा होता. मृतकास दारूचे व्यसन असल्यामुळे तो दारू पिऊन सदर पिकप मध्ये झोपला असेल व त्याचा मृत्यू झाला असेल,मात्र पिकप चा चालक-मालक गेली काही दिवसापासून त्याने सदर पिकप हलवला नसल्याने ही बाब उघडकीस आली नसल्याची चर्चा वर्तवली जात आहे. सदर प्रकरणाचा तपास रिसोड पोलीस करत आहे.
