सरकारवर गंभीर आरोप; कारभारावरही उपस्थित केले प्रश्न
नाशिक (Prithviraj Chavan) : काँग्रेसचे ज्येष्ठ नेते तथा माजी मुख्यमंत्री पृथ्वीराज चव्हाण (Prithviraj Chavan) यांनी नाशिक दौऱ्यात भाजप (BJP) आणि राष्ट्रीय स्वयंसेवक संघावर (RSS) टीका करत राज्य सरकारच्या कारभारावर प्रश्नचिन्ह उपस्थित केले. नाशिकमध्ये चर्चेत असलेल्या पेपरफुटी, भ्रष्टाचार आणि प्रशासनातील गैरप्रकारांच्या मुद्द्यावरून त्यांनी सरकारला लक्ष्य केले. सरकारच्या कारभारात पारदर्शकतेचा अभाव असल्याचा आरोप चव्हाण यांनी केला.
विविध परीक्षा आणि भरती प्रक्रियेत गैरप्रकारांच्या तक्रारी समोर येत असताना शासनाने त्याची गंभीर दखल घेणे आवश्यक असल्याचे (Prithviraj Chavan) त्यांनी सांगितले. युवकांच्या भवितव्याशी संबंधित परीक्षांमध्ये गैरप्रकार होत असल्यास त्याची जबाबदारी निश्चित करून दोषींवर कारवाई झाली पाहिजे, अशी भूमिका त्यांनी मांडली. दरम्यान, नाशिकमध्ये आगामी कुंभमेळ्याच्या पार्श्वभूमीवर मोठ्या प्रमाणात निधी खर्च केला जात आहे. हा निधी जनतेचा असून त्याचा योग्य वापर झाला पाहिजे, असेही चव्हाण (Prithviraj Chavan) यांनी म्हटले आहे.
