परभणी महापालिकेची मोहिम ५५ किलो प्लास्टीक जप्त
परभणी (Parbhani Plastic Ban) : सिंगल यूज प्लास्टीक वापर करणार्‍या व्यापार्‍यांवर शहर महापालिकेच्या पथकाने दंडात्मक कारवाई केली आहे. जुना मोंढा परिसरात गेलेल्या तपासणीत तीन दुकानांना २५ हजाराचा दंड आकारण्यात आला आहे. तसेच ५५ किलो प्लास्टीक जप्त करण्यात आले आहे.
महापालिका आयुक्त नितीन नार्वेकर, उपायुक्त प्रज्ञावंत कांबळे, तुकाराम कदम यांच्या मार्गदर्शनाखाली गुरुवार २ जुलै रोजी जुना मोंढा परिसरात सिंगल यूज प्लास्टीक विरोधात विशेष तपासणी मोहिम राबविण्यात आली. या मोहिमेत मुख्य स्वच्छता अधिकारी करण गायकवाड, विनय ठाकूर, तुराब खान, न्यायरत्न घुगे, राजू झोडपे, सौरभ सुर्यवंशी यांच्या पथकाने सहभाग घेतला. सदर पथकाने ३७ दुकानांची तपासणी केली. यामध्ये तीन दुकानात सिंगल यूज प्लास्टीक आढळून आले.
यापैकी दोन दुकानांवर यापूर्वीही कारवाई झाली होती. त्यामुळे त्यांना प्रत्येकी दहा हजाराचा दंड आकारण्यात आला. तसेच दुसर्‍या एका दुकानदाराला पाच हजाराचा दंड लावण्यात आला. (Parbhani Plastic Ban) मोहिमेत एकूण २५ हजाराचा दंड वसूल करण्यात आला आहे. कारवाईमध्ये पथकाने ५५ किलो सिंगल यूज प्लास्टीक, पाणी पाऊचचे अकरा पोते, खुले पाणी पाऊच जप्त केले आहेत. या मोहिमेत प्रभाग समिती ब च्या कर्मचार्‍यांनीही सहभाग घेतला.
