मुख्यमंत्री देवेंद्र फडणवीस यांच्या वाढदिवसानिमित्त वृक्षारोपण
परभणी (CM Devendra Fadnavis) : मुख्यमंत्री देवेंद्र फडणवीस यांच्या ५५ व्या वाढदिवसा निमित्त परभणी जिल्ह्यात ५५ हजार वृक्ष लागवड करण्यात आली. पालकमंत्री मेघना बोर्डीकर यांनी जिल्ह्यात हरीत क्रांतीचा संकल्प केला आहे. या दिवशी नऊ देववन नागरीकांना समर्पित करण्यात आले.
जिल्हा प्रशासन, नगर परिषदा, सेवाभावी संस्था आणि वृक्षप्रेमींच्या माध्यमातून हा उपक्रम राबविला गेला. सेलू, जिंतूर, पाथरी, मानवत, सोनपेठ, पालम, पूर्णा, गंगाखेड आणि परभणी या ठिकाणी देववन मियावाकी जैव विविधता उद्यान विकसित करण्यात आले. बुधवार २२ जुलै रोजी सकाळी आठ वाजता एकाच वेळी या उद्यानाचे लोकार्पण करण्यात आले. पर्यावरण संवर्धन, जैव विविधतेचे संरक्षण आणि लोकसहभागाच्या बळावर हरीत भविष्य घडविण्याच्या दिशेने हरीत संकल्प हा उपक्रम राबविण्यात येत आहे.
हरीत परभणीचा संकल्प
नगर पालिका प्रशासन आणि ग्राम सामाजिक परिवर्तन फाउंडेशन व्हिएसटीएफ यांच्या संयुक्त विद्यमाने परभणी शहर तसेच जिल्ह्यातील सर्व नगर पालिका क्षेत्रात ५५ वृक्ष लागवड करण्यात आली. हरीत परभणीचा संकल्प राबविण्यात आला.
- मेघना बोर्डीकर, पालकमंत्री, परभणी.
