डाॅ. अनिल भीकाने करणार मार्गदर्शन
देवणी (Dhanegaon Dairy training ) : ग्रामीण भागातील शेतकरी व पशुपालकांना दुग्ध व्यवसायातील आधुनिक तंत्रज्ञानाची माहिती मिळावी, दूध उत्पादनात वाढ व्हावी आणि पशुपालनातून शाश्वत उत्पन्नाचे साधन निर्माण व्हावे, या उद्देशाने पशुसंवर्धन विभाग, लातूर व पशुवैद्यकीय चिकित्सालय, वलांडी यांच्या संयुक्त विद्यमाने दुग्ध व्यवसाय प्रशिक्षण कार्यक्रमाचे आयोजन करण्यात आले आहे. हा कार्यक्रम मंगळवार, दि. ११ ऑगस्ट रोजी सकाळी १० वाजता श्री महादेव मंदिर, धनेंगाव, ता. देवणी, जि. लातूर येथे होणार आहे. या प्रशिक्षण कार्यक्रमातून परिसरातील दूध उत्पादक शेतकरी, पशुपालक तसेच दुग्ध व्यवसायात नव्याने प्रवेश करू इच्छिणाऱ्या नागरिकांना तज्ज्ञांकडून महत्त्वपूर्ण मार्गदर्शन मिळणार आहे.
या Dhanegaon Dairy training कार्यक्रमात प्रमुख मार्गदर्शक म्हणून डॉ. अनिल भिकाने हे उपस्थित राहून पशुपालकांना दुग्ध व्यवसायातील विविध बाबींवर सविस्तर मार्गदर्शन करणार आहेत. पशुधनाची योग्य निवड, जनावरांची योग्य निगा, पशुआरोग्य, लसीकरण, दूध उत्पादन वाढविण्याच्या पद्धती तसेच दुग्ध व्यवसायाचे आर्थिक नियोजन यासंदर्भात प्रशिक्षण दिले जाणार आहे.
प्रशिक्षणात विविध विषयांवर मार्गदर्शन
प्रशिक्षण कार्यक्रमात दुभत्या जनावरांची निवड व संगोपन, जनावरांचे योग्य आहार व्यवस्थापन, दूध उत्पादन वाढविण्याचे उपाय, जनावरांचे आरोग्य व लसीकरण, दूध काढण्याची स्वच्छ व योग्य पद्धत, दूध गुणवत्ता व स्वच्छता आदी विषयांवर मार्गदर्शन केले जाणार आहे. तसेच दूध प्रक्रिया व दुग्धजन्य पदार्थ निर्मिती, चारा व्यवस्थापन व चारा संवर्धन, आर्थिक नियोजन व नफा वाढविण्याचे उपाय, शासकीय योजना व अनुदानाची माहिती याबाबतही पशुपालकांना मार्गदर्शन मिळणार आहे.
आधुनिक पद्धतीने दुग्ध व्यवसायाची गरज
सध्याच्या काळात पारंपरिक पद्धतीने पशुपालन करण्याबरोबरच आधुनिक तंत्रज्ञानाचा वापर करणे गरजेचे झाले आहे. जनावरांची योग्य जात निवड, संतुलित आहार, वेळेवर लसीकरण, पशुवैद्यकीय उपचार, स्वच्छ दूध उत्पादन आणि चाऱ्याचे योग्य नियोजन यामुळे दुग्ध व्यवसाय अधिक फायदेशीर होऊ शकतो. त्यामुळे शेतकऱ्यांनी केवळ दूध उत्पादनावर भर न देता दूध प्रक्रिया व मूल्यवर्धित दुग्धजन्य पदार्थांच्या निर्मितीकडेही वळावे, यासाठी या प्रशिक्षणातून मार्गदर्शन केले जाणार आहे.
पशुपालन व दुग्ध व्यवसायाला चालना देण्यासाठी शासनाच्या विविध योजना व अनुदान योजना उपलब्ध आहेत. मात्र अनेक पशुपालकांना त्यांची पुरेशी माहिती नसल्याने ते या योजनांपासून वंचित राहतात. त्यामुळे प्रशिक्षण कार्यक्रमात उपलब्ध शासकीय योजना, अनुदानासाठी आवश्यक प्रक्रिया व त्याचा लाभ घेण्याच्या पद्धतीबाबतही माहिती देण्यात येणार आहे.
या (Dhanegaon Dairy training) कार्यक्रमासाठी लातूर जिल्हा परिषदेच्या अध्यक्षा सौ. उषाताई संभाजीराव पाटील यांचे मार्गदर्शन लाभणार असून कार्यक्रमाचे आयोजक जिल्हा परिषद सदस्य शेरे हे आहेत. पशुपालकांनी मोठ्या संख्येने सहभागी व्हावे. दुग्ध व्यवसायाला आधुनिक दिशा देण्याच्या दृष्टीने आयोजित करण्यात आलेल्या या प्रशिक्षण कार्यक्रमाचा परिसरातील शेतकरी व पशुपालकांनी मोठ्या संख्येने लाभ घ्यावा, असे आवाहन आयोजकांच्या वतीने करण्यात आले आहे.
