कळमनुरीत बागवान बिरादरीच्या सामूहिक विवाह सोहळ्यात सहा जोडपी विवाहबद्ध

कळमनुरी (Kalmanuri marriage ceremony) : बागवान बरादरीच्या वतीने दरवर्षीप्रमाणे यंदाही सामूहिक विवाह सोहळ्याचे आयोजन उत्साहात करण्यात आले. समाजातील एकोप्याची भावना जपत आणि आर्थिकदृष्ट्या दुर्बल कुटुंबांना आधार देण्याच्या उद्देशाने आयोजित या सोहळ्यात सहा जोडपी विवाहबंधनात अडकली. सामूहिक विवाह सोहळ्यासाठी मोठ्या संख्येने समाजबांधव, नातेवाईक तसेच मान्यवर उपस्थित होते. पारंपरिक धार्मिक विधी व मंगलमय वातावरणात विवाह सोहळा पार पडला. नवविवाहित जोडप्यांवर उपस्थितांनी शुभेच्छांचा वर्षाव केला.

या (Kalmanuri marriage ceremony) कार्यक्रमाला हाजी मोहम्मद उसमान बागबान (बागबान बिरादरी चाळीस गावांचे सदर), मौलाना फेरोज रजा सिबतैनी मंगरुळ पीर, मुफ्ती अ. हफीज अजहरी, हाफीज शफीक रजा, मुफ्ती शुजाअत फारुकी, चांद मिया, हाफीज तौफीक रजा, मौलाना इकबाल रजा, हाफीज फारुक, हाफीज आमेर, मौलाना अलफैज रजा यांची प्रमुख उपस्थिती होती. तसेच आमदार संतोष बांगर, उपनगराध्यक्ष शिवराज पाटील, आर. आर. पाटील, हिंगोलीचे उपनगराध्यक्ष अब्दुल माबुद बागबान, कळमनुरीतील नगरसेवक, प्रतिष्ठित नागरिक व पत्रकार मोठ्या संख्येने उपस्थित होते.

सदरील कार्यक्रमाच्या यशस्वी आयोजनासाठी कळमनुरी बागबान बिरादरी पंच कमेटीने विशेष नियोजन व परिश्रम घेतले. पंच कमेटीचे अध्यक्ष निजामोद्दीन बागबान यांच्या नेतृत्वाखाली मुबीन बागबान, हाजी अ. खयुम बागबान, शेख नयीम बागबान, मो. खाजा बागबान, हाजी अब्दुल गणी बागबान, अ. लतीफ बागबान, हाजी अ. हबीब बागबान, मो. फारूक बागबान, गुलाम बागबान, नसीर बागबान, हाजी मो. खाजा बागबान, शेख बुरहान बागबान, संडल बागबान, नुरोद्दीन बागबान आणि वजीर बागबान यांनी परिश्रम घेतले. या उपक्रमामुळे विवाह खर्च कमी होऊन समाजात एकोप्याचा संदेश दिला जात असल्याचे मत उपस्थितांनी व्यक्त केले.