नळ जल निवडीचे प्रमाणपत्र न दिल्याने मारहाण; हिंगोली शहर पोलिसात एकावर कारवाई
हिंगोली (Hingoli Gram Panchayat Officer) : पंचायत समिती मधील ग्रामपंचायत अधिकार्‍यास नळजल मित्र निवडीचे प्रमाणपत्र न दिल्याच्या कारणावरून हिंगोलीत मारहाण केल्याची घटना घडल्याने हिंगोली शहर पोलिसात बोडखी येथील एका व्यक्तीवर कारवाई करण्यात आला आहे.
याबाबत पोलिस सुत्रांनी दिलेली माहिती अशी की, (Hingoli Gram Panchayat Officer) हिंगोली पंचायत समिती कार्यालयातील मिलिंद विठ्ठलराव साबणे हे ग्रामपंचायत अधिकारी म्हणुन कार्यरत आहेत. २५ मे रोजी दुपारी १२.२५ वाजता त्यांना हिंगोलीतील भारतरत्न डॉ. बाबासाहेब आंबेडकर पुतळ्या समोरील रस्त्यावर वैजनाथ दत्तराव शिंदे रा. बोडखी याने नळ जल मित्र निवडीचे प्रमाणपत्र न दिल्याच्या कारणावरून मिलिंद साबणे यांच्या गच्चीला पकडून खाली पाडून थापड बुक्याने मारहाण केली. तुम्ही जर मला प्रमाणपत्र दिले नाही तर जीवाने मारून टाकीन अशी जीवे मारण्याची धमकी दिल्याने हिंगोली शहर पोलिसात दिलेल्या फिर्यादीवरून वैजनाथ दत्तराव शिंदे याच्यावर कारवाई करण्यात आली. या प्रकरणाचा पुढील तपास पोलिस निरीक्षक संदिप मोदे यांच्या मार्गदर्शनाखाली शेख हे करीत आहेत.
