हिंगोली (Hingoli Government Hospital) : श्री साई माऊली मंदिर रिसाला बाजार, हिंगोली अंतर्गत चालवण्यात येणाऱ्या श्री साई माऊली अक्षय साई पात्र सेवेच्या वतीने आज मंगळवार, 5 मे 2026 रोजी शासकीय रुग्णालय परिसरात पाणपोईचे उद्घाटन करण्यात आले. उन्हाळ्याच्या पार्श्वभूमीवर रुग्ण व त्यांच्या नातेवाईकांसाठी ही मोठी सोय ठरणार आहे.
शहरातील प्रतिष्ठित व्यापारी श्री रामचंद्रजी कयाल यांनी अक्षय साई पात्र अन्नछत्र सेवेकडे थंड पाण्याचे फिल्टर अर्पण केले. त्यांच्या हस्ते या पाणपोईचे लोकार्पण झाले. या उपक्रमामुळे रुग्णालयात येणाऱ्या नागरिकांना स्वच्छ व थंड पाणी मोफत उपलब्ध होणार आहे.
या (Hingoli Government Hospital) प्रसंगी शहरातील नामांकित डॉक्टर मनीष बगडिया, निनाजी कांडेलकर, संतोष गुठ्ठे, अंतोष गुठ्ठे, आनंदरावजी पतंगे, संजय ननवरे, गजानन महाजन, आनंद महाराज पुरोहित, बंडू दंडगे, दीपक लोखंडे, किशोर लोलगे, माधवराव घुगे, आदित्य ननवरे, नागेश झळके, काना हाणवते, सुशील खंदारे, मनोज खंदारे यांच्यासह अनेक मान्यवर व सेवाभावी कार्यकर्ते उपस्थित होते.
श्री साई माऊली अक्षय साई पात्र सेवा रिसाला बाजार हिंगोलीच्या वतीने वर्षभर अन्नदानासोबतच आता पाणपोईच्या माध्यमातून सेवा दिली जाणार आहे. उन्हाळ्यात रुग्णालय परिसरात पाण्याची सोय झाल्याने नागरिकांनी समाधान व्यक्त केले व दात्यांचे आभार मानले.
