हिंगोलीतील एकुलत्या एक मुलाचा सिरसम येथील अपघातात दुर्दैवी मृत्यू

हिंगोली (Sirsam Accidental Death) : शहरातील वंजारवाडा पोळा मारोती भागातील २२ वर्षीय एकुलत्या एक मुलाचा मंगळवारी दुपारच्या सुमारास सिरसम जवळील अपघातात दुर्दैवी मृत्यू झाल्याने शोककळा पसरली आहे. 

याबाबत पोलिस सुत्रांकडून मिळालेली माहिती अशी की, हिंगोली तालुक्यातील सिरसम शिवारात शुभम मधुकर बांगर  (२२) रा. पोळा मारोती वंजारवाडा हा युवक ट्रॅक्टर अपघातात १ सप्टेंबर रोजी दुपारच्या सुमारास गंभीररित्या जखमी झाल्याने त्याला तात्काळ हिंगोलीतील जिल्हा शासकीय रूग्णालयात आणण्यात आले. डॉक्टरांनी तपासल्यानंतर मृत घोषित केले. यावेळी मयत शुभमचे शवविच्छेदन करून मृतदेह नातेवाईकांच्या स्वाधीन करण्यात आला. त्याच्यावर हिंगोलीतील कयाधू नदीच्या तिरावरील स्मशानभूमित अंत्यसंस्कार करण्यात आले.

मयत शुभम बांगर हा घरामध्ये एकुलता एक मुलगा होता. त्याचा (Sirsam Accidental Death) अपघातात मृत्यू झाल्याने शोककळा पसरली आहे. त्याच्या पश्चात आई, वडील, दोन बहिणी असा परिवार असल्याचे नातेवाईकांनी सांगितले.