हिंगोली (Hingoli Person Death) : शहरातील भोईपुरा भागातील 44 वर्षीय व्यक्ती छतावर पडून गंभीर जखमी झाली असता नांदेड रुग्णालयात नेत असताना गुरुवारी रस्त्यात मृत्यू झाला. याबाबत मिळालेली माहिती अशी की हिंगोली शहरातील भोईपुरा भागातील अजय मुरलीधर बोधने (44) हे हिंगोलीतील एका खाजगी पतसंस्थेमध्ये कार्यरत होते. 12 मे मंगळवार रोजी सकाळच्या सुमारास छतावर गेले असताना अचानक पडून त्यांच्या डोक्याला गंभीर दुखापत झाली होती.
त्यामुळे त्यांना तात्काळ हिंगोली येथील खाजगी रुग्णालयात उपचारासाठी दाखल करण्यात आले होते. (Hingoli Person Death) प्रकृती गंभीर झाल्यामुळे 14 मे गुरुवार रोजी नांदेड येथील रुग्णालयात नेण्यात आले होते त्या ठिकाणी डॉक्टरांनी तपासल्यानंतर मृत घोषित केले. त्यांच्या पश्चात आई, वडील, पत्नी एक मुलगी, एक भाऊ भावजय, बहीण, भाऊजी असा परिवार आहे. मयत अजय बोधने याचे शवविच्छेदन हिंगोलीतील जिल्हा शासकीय रुग्णालयात करण्यात आले त्यानंतर मृतदेह नातेवाईकांच्या स्वाधीन करण्यात आला. मृतदेहावर सायंकाळी हिंगोलीतील कयाधू नदीच्या तीरावरील स्मशानभूमीत अंत्यसंस्कार करण्यात आला.
