खुन प्रकरणातील तीन आरोपींना पोलिस कोठडी

हिंगोली (Hingoli murder case) : वसमत शहरातील सोमवारपेठ भागात १० सप्टेंबरला रात्रीच्या सुमारास गणेश डिगांबर गुंडाळे (२२) ह.मु. पाटील नगर वसमत या युवकास तु पोलिसांना टिप का देतो, या कारणावरून त्यास दगड, विटाने गंभीर मारहाण करून त्याचा खुन केला होता. 

या (Hingoli murder case) प्रकरणात वसमत शहर पोलिसात १० सप्टेंबरला पवन डाखोरे यांच्या फिर्यादीवरून ऋषिकेश कंठाळे, अर्जुन बोचकरी, अनिकेत देवकर सर्व रा. वसमत या तिघांवर गुन्हा दाखल झाला होता. पोलिसांनी तपासचक्र फिरवून खांडेगाव येथून तिन्ही आरोपीला जेरबंद केले. ११ सप्टेंबर रोजी न्यायालयात हजर केले असता १५ सप्टेंबर पर्यंत पोलिस कोठडी सुनावली. पुढील तपास सपोनि संगम परगेवार हे करीत आहेत.