जिल्हा पुरवठा अधिकारी अप्पासाहेब पाटील यांनी गॅस एजन्सीवर भेट देऊन घेतला आढावा
हिंगोली (Gas Cylinders Supply) : आखातीमधील युध्दाचा अद्यापही भडका कायम आहे. त्यामुळे अधून मधून इंधनात तुटवडा निर्माण होत आहे. व्यवसायीकांना लागणार्‍या सिलेंडरची मागणी अधिक वाढली असताना सिलेंडरचा पुरवठा कमी होत आहे. त्यामुळे अनेक हॉटेल, ढाबे आदी व्यवसायिक अडचणीत सापडले आहेत.
आंतरराष्ट्रीय स्तरावर आखाती मधील युध्द अद्यापही संपले नाही. या युध्दजन्य परिस्थितीमुळे (Gas Cylinders Supply) गॅस पुरवठ्यावर त्याचा परिणाम जाणवत आहे. हॉटेल, धाबे, खानावळ आदींसाठी व्यवसायिक सिलेंडर ही बाब अत्यावश्यक आहे. हिंगोली शहरामध्ये हिंदूस्तान पेट्रोलियम गॅस एजन्सीकडे १४९ व्यवसायीक गॅस धारकांची नोंदणी आहे. आज परिस्थिीतमध्ये त्या ठिकाणी ३१ गॅस सिलेंडर उपलब्ध आहेत. त्याच प्रमाणे भारत पेट्रोलियम गॅस एजन्सीकडे २२८ गॅस धारकांची नोंदणी असुन आज परिस्थितीत त्यांच्याकडे ३५ गॅस सिलेंडर उपलब्ध आहेत. या दोन एजन्सीकडे मिळवून ६६ गॅस सिलेंडर उपलब्ध आहेत.
विशेष म्हणजे व्यवसायीक सिलेंडरची (Gas Cylinders Supply) मागणी अधिक वाढली असताना पुरवठा मात्र अत्यल्प होत आहे. उपलब्ध असलेले गॅस सिलेंडर हे शासकीय वसतीगृहासह अत्यावश्यक ठिकाणी उपलब्ध ठेवण्यात आले आहेत. हिंगोली शहरात व्यवसायीक गॅस सिलेंडरच्या तुटवड्याच्या अनुषंगाने जिल्हा पुरवठा अधिकारी आप्पासाहेब पाटील यांच्यासह पथकाने १ एप्रिल रोजी गॅस एजन्सीवर जाऊन प्रत्यक्ष उपलब्ध असलेले गॅस सिलेंडर व ग्राहकाकडून किती मागणी झाली या बाबतचा सविस्तर आढावा घेऊन काही मार्गदर्शक सूचनाही दिल्या.
