कोतवाली हद्दीतील साखला प्लॉट परिसरातील घटना; कोतवाली पोलीसात आकस्मात मृत्यूची नोंद
परभणी (Construction Accident) : शहरातील साखला प्लॉट परिसरात बांधकाम सुरू असलेल्या घरावर काम करत असताना एका इसमाचा तोल जाऊन दुसर्‍या मजल्यावरून खाली पडल्याने मृत्यू झाल्याची घटना गुरुवार ९ एप्रिल रोजी रात्री घडली. घटने बाबत अधिक माहिती अशी की, शहरातील साखला प्लॉट परिसरात नवीन घराच्या बांधकामावर काम सुरू असताना संभाजी मदन धोंगडे वय ३२ यांचा नवीन घराच्या बांधकामाला दुसऱ्या मजल्यावर पाणी देत असतांना तोल गेला. यावेळी त्यांना गंभीर डोक्याला गंभीर दुखापत झाली व मोठ्या प्रमाणात रक्तस्त्राव झाला. त्यांना तातडीने उपचारासाठी नेण्यात आले, मात्र उपचारादरम्यान त्यांचा मृत्यू झाला. या प्रकरणी सचिन उत्तम कापडे यांनी कोतवाली पोलीसात खबर दिली असून या खबरीवरुन आकस्मात मृत्यूची नोंद करण्यात आली आहे.
