भाजपाची जिल्हा आढावा बैठक संपन्न;जून महिन्यात विविध अभियान

हिंगोली (BJP district meeting) : केंद्रातील मोदी सरकारला बारा वर्षे पूर्ण झाल्याच्या पार्श्वभूमीवर, भारतीय जनता पार्टीच्या वतीने जून महिन्यात विविध लोककल्याणकारी आणि जनसंवाद कार्यक्रमांचे आयोजन करण्यात आले आहे. या कार्यक्रमांच्या पूर्वतयारीसाठी आणि सूक्ष्म नियोजनासाठी हिंगोली जिल्हा भाजपाची महत्त्वपूर्ण बैठक शहरातील हॉटेल रामकृष्ण येथे संपन्न झाली. या बैठकीत जून महिनाभरात राबवल्या जाणाऱ्या विविध अभियानांची रूपरेषा ठरवून मंडलनिहाय जबाबदाऱ्यांचे वाटप करण्यात आले.

या (BJP district meeting) बैठकीला आमदार तान्हाजीराव मुटकुळे, जिल्हाध्यक्ष गजाननराव घुगे,माजी जिल्हाध्यक्ष फुलाजीराव शिंदे,माजी नगराध्यक्ष बाबाराव बांगर यांच्यासह सुनिताताई मुळे,आतिश दांडेगावकर,जिल्हा उपाध्यक्ष मिलींद यंबल,महिला जिल्हाध्यक्ष उज्वलाताई तांभाळे,शिवाजीराव मुटकुळे,दिलीपराव देसाई,शिवदास बोड्डेवार,उमेश नागरे,विलास गोरे,अवधूत शिंदे, खोब्राजी नरवाडे,सतिश सोमाणी,रजनीश पुरोहीत,माणिक लोडे,कांतराव कोटकर,संजय ढोके,मंदाकिनी चव्हाण,डॉ.रवि पाटील गोरेगावकर,हमिद प्यारेवाले,कैलाश शहाणे,प्रशांत सोनी,पवन उपाध्ये,शिवा घुगे,डॉ.सुधाकर लोमटे,विठ्ठल भोयर,राहुल मेने,श्रिधर ठिकणे,ओमकार नावडे,गुलाब भोयर उपस्थित होते.

पंतप्रधान नरेंद्र मोदी यांच्या नेतृत्वाखालील सरकारने गेल्या १२ वर्षांत घेतलेले ऐतिहासिक निर्णय, लोककल्याणकारी योजना आणि देशाचा झालेला अभूतपूर्व विकास सर्वसामान्य जनतेपर्यंत पोहोचवण्यासाठी जून महिनाभर हे अभियान चालवले जाणार आहे. या संदर्भात जिल्हा प्रभारी संजय कौडगे यांनी उपस्थित पदाधिकाऱ्यांना सविस्तर मार्गदर्शन केले आणि प्रत्येक कार्यकर्त्यांने यात सक्रिय सहभाग घेण्याचे आवाहन त्यांनी केले.