१ सप्टेंबर २०२६पासून John Ternus सांभाळणार Appleची धुरा; Tim Cook होणार Executive Chairman
जगातील आघाडीची टेक कंपनी Apple मध्ये आजपासून नेतृत्वाचा मोठा बदल झाला आहे. Tim Cook यांनी CEO म्हणून आपली जबाबदारी सोडली असून १ सप्टेंबर २०२६पासून John Ternus Appleचे नवे CEO म्हणून पदभार स्वीकारत आहेत. मात्र Tim Cook कंपनीपासून पूर्णपणे दूर जाणार नसून ते Executive Chairman म्हणून Appleशी जोडलेले राहणार आहेत. Appleने एप्रिलमध्येच या नेतृत्वबदलाची अधिकृत घोषणा केली होती.
Tim Cook यांनी २०११ मध्ये Appleच्या CEO पदाची सूत्रे स्वीकारली होती. त्यांच्या नेतृत्वाखाली कंपनीने अनेक महत्त्वाच्या उत्पादन आणि सेवांचा विस्तार केला. Apple Watch, AirPods आणि Apple Vision Pro यांसारख्या नव्या उत्पादन श्रेणींसह Apple Musicसारख्या सेवांच्या विस्तारातही त्यांच्या कार्यकाळात महत्त्वाची भूमिका राहिली. AirTagसह Appleच्या विविध उत्पादनांनाही त्यांच्या नेतृत्वाच्या काळात बाजारात स्थान मिळाले.
CEO पदावरून बदल होण्यापूर्वी Tim Cook यांनी Appleच्या टीम आणि ग्राहकांप्रती कृतज्ञता व्यक्त केली. Appleसोबतचा आपला प्रवास अत्यंत खास असल्याचे सांगताना त्यांनी कंपनीच्या कर्मचाऱ्यांचे आणि ग्राहकांचे आभार मानले. पुढील काळातही Appleसोबतच राहणार असल्याचे त्यांच्या संदेशातून स्पष्ट झाले आहे.
दरम्यान, John Ternus यांच्याकडे आता Appleच्या CEO पदाची जबाबदारी सोपवण्यात आली आहे. Ternus हे यापूर्वी Appleचे Senior Vice President of Hardware Engineering होते. २००१ मध्ये त्यांनी Appleमध्ये प्रवेश केला आणि कंपनीच्या विविध हार्डवेअर उत्पादनांच्या विकासात त्यांनी महत्त्वाची भूमिका बजावली आहे.
Appleच्या अधिकृत घोषणेनुसार, १ सप्टेंबर २०२६पासून John Ternus CEO म्हणून कार्यभार स्वीकारतील, तर Tim Cook Executive Chairman म्हणून कंपनीच्या काही महत्त्वाच्या बाबींमध्ये योगदान देत राहतील. हा बदल Appleच्या दीर्घकालीन succession planningचा भाग असल्याचे कंपनीने स्पष्ट केले आहे.
